نشر الشاعر بشرى ابراهيم الشهير بـ بشرى البطانة قصيدة عن مجزرة قرية ودالنورة التي ارتكبتها قوات الدعم السريع المتمردة إليكم نص القصيدة :
ميتين فوق عروضكم وبتكم مستورة
بالطورية لاقو الدوشكا والماسورة
اتفقو التلوب في الحلة عقدو الشورة
جميعن اموتو في شان تحي ود النورة
: التاريخ بسجيل للسنين الجاية
رجالا واجهو المدفع عصاه وجراية
زي ناس حمزة جاهدتو وحملتو الراية
المزيد من المشاركات
ميتين فوق عروض ما ماتو في الانداية
: تاريخن جديد والدنيا كلها قارية
ود النورة فرسان اللطام الضارية
عزيتو ام وضيب هسي التزغرد مارية
واجهتو الكلاش صامدين صدوركن عارية
: عولاق الشتات ألفي الجزيرة انحصرو
شايلين دوشكا لكين التلوب م انفزرو
كاتلين زول عجوز اعزل وفاقد بصرو
فرحانين ومفتكرين خلاص انتصرو.؟؟؟
