قال الممثل المصري الكبير رشوان توفيق في حوار مع إحدى القنوات المصرية أن كان يعطي زوجته كل المرتب الذي يتقاضاه.
وقال توفيق هي كانت كل شئ ف حياتي وكل حاجة وهي اللي كانت بتعمل كل حاجة ومسئولة عن كل حاجة حتى جهاز بناتي هي تجيب وتعمل ، كانت هي المسئولة عن حياتنا كلنا .
كنت بحبها حب زيادة وثقة زيادة وإخلاص ، انا كنت بقولها ياحبيبتي دايما حتى في الخناقات مراتي انا بعتبرها من الصالحات ، ف مرة كان فاضل على الحج 3 ايام واحنا مش مجهزين نروح وكنا زعلانين اوي ، فا كنا واقفين ف المطبخ فا بقولها مش كان زمننا بنحضر للحج دلوقتي يا أميمة ، لاقتها بصت لفوق ورفعت ايديها لفوق وقالت ” ياااارب دي تبقى هديتك لينا ” مفيش 3 ساعات ولاقيت زميلي بيتصل بيا بيقوللي منفسكش تحج يا رشوان !
واضاف الممثل صاحب الـ 90 عام عمري ما بصيت لغيرها من 62 سنة كل ما تكبر احبها اكتر .. كل ما تكبر احبها اكتر وهكذا .
وقال رشوان توفيق قبل ما تموت بيوم كنت انا بصور في الاستوديو ، روحت البيت دخلتلها الاوضة وهي تعبانة ، قولتلها معلش يا حبيبتي انا كنت بصور ، قالتلي عشان كدا البيت كان مضلم ورحلت عني تاني يوم .
بقعد في الاوضة دلوقتي لوحدي وهي مش معايا ومش جنبي بس بشوفها .. بشوفها وهي عندها 17 سنة وانا معجب بيها وبشوفها وهي عندها 35 وبشوفها وهي عندها 50 ،، بشوف الكفاح اللي كافحته معايا ، الظروف اللي عاشتها معايا ، كانت شايلاني وكان بيننا اخلاص وثقة مش طبيعي .
