“مضاد الدانات” نصيحة شاب لسكان كرري والسودان

كتب الشاب السوداني محمد هاشم العطاي تدوينة على موقع التواصل الاجتماعي فيس بوك وجدت تفاعلا كبير من قبل رواد الموقع الأزرق العطاي قال في تدوينته : كلنا بنخاف من التدوين و كذاب البقول انو ما بخاف و الخوف شعور لا إرادي طيب كيف انا احول المحنه دي الي منحه تاكد تماما انو مجرد ما انت خفته اعرف انو دا اختبار وامتحان من ربنا قال تعالي ( ولنبلونكم بشي من الخوف والجوع ونقص من الاموال والانفس والثمرات وبشر الصابرين) اعرف انو الخوف دا ابتلاء عظيم من ربنا اعظم من الفقر والموت لانو سبقهم في الايه وما عليك الا بالصبر ولو صبرته خط مليون خط تحت وبشر الصابرين ان شاء الله ربنا بعوضك بالعوض الجميل وحسن الجزاء ومجرد ما حصل تدوين عليك بوصية النبي عليه الصلاة والسلام قال عندما تشدد الحرب عليك بقول حسبي الله ونعم الوكيل هذا الدعاء العظيم بمثابة مضاد للدانات (حسبي الله) يعني اني وكلت امري وفوض امري و امنته روحي لله رب العالمين (ونعم الوكيل) اي نعم الحامي و الحافظ ودا إقرار منك انك عبد ضعيف لا حوله ولا قوه بك وان الله هو الحافظ وتاكد انو ربنا ليس بظلاما للعبيد و احسن الظن بالله وتاكد انو ما بحصل شي موش تاكد اقطع الشك باليقين انو ما بحصل شي ولو حصل ما بحصل الا الخير وان شاء الله ربنا بجازيك و بعوضك و اسال ربنا ان يعم الامن والامان والسلام بلادنا السودان.