يا خبر ! طلاب كلية جامعية لـ الجمهورية نيوز : الوزارة رفضت توثيق شهاداتنا

شكا طلاب اليرموك عن ظروف مؤسفة يتعرضون لها جراء عدم استخراج الشهادات الجامعية في مشكلة بدأت حتى قبل الحرب وتفاقمت بعدها إذا لا أمل يلوح في الأفق.

وحكي الطالب (م .ع) للجمهورية الظروف التى واجهها والمشاكل التى تعرض لها ومنعه من حقه في الحصول على شهادته الجامعية ، إذ يقول تخرجت سنة ٢٠٢٢ والى الان ما قدرت احصل شهادتي من كلية اليرموك و كنا قبل الحرب لما نمشي ليهم يقول لينا اليوم وبكرا و نحنا حلينا الموضوع مع الوزارة.

ويضيف : بالنهاية اكتشفنا انه الموضوع كله كلام ومافي شي صحيح من طرفهم و مثل ما بتعرف بدأت الحرب و أصبحت وضع الحرب حجة للجامعة عشان ما يزبطوا اوضاع الناس و يعطوهم الأوراق على الرقم حاولنا نتواصل مع صاحب الجامعة والعميد لكن بلا جدوى حتى وصل الحال انه الطلاب تعرض نفسها عشان تساعدهم لانه صاحب الجامعة ترك السودان من لما بدات الحرب لكن بلا جدوى و بالاخير نكتشف انه الجامعة وضعت عميدة والوزارة رافضة العميدة دي لذلك الوزارة رافضة اصدار الشهادات او توثيق اي شهادة صادرة من الكلية دي و لما حاولنا تفهمهم الكلام ده مافي جدوى و للحين عالقين بين الوزارة انه تتفهم وضعنا و بين اصحاب الجامعة ييسروا لينا امورنا

نحنا بنناشد اصحاب الشأن و الخير و اوزير التعليم العالي انهم يلاقوا حل للمشكلة دي و يضعوا لجنة تسييرية تساعد الناس بالوضع الراهن بالسودان و تصدر أوراقهم عشان يمشوا بطريقهم .